OOSTERDALSEN – As ik dan op de sundagmiddag zo es noar buutn zit te loern, denk ik: sie bouwt ok alles vol hè. Ik keeke altied mooi över de weilandn richting Slingerlaantie en zage Kappert met sien peerdn of Jan van Ulk doar ant werk met sien schoapn.

Noe zie ik bultn saand, hekkn en bouwmateriaal liggn en komt de huusn steeds körter bej.

Dan kuj weh zeggn, det wik nie mar al die leu mut toch éns woonn. Ik heb zelf ok twee zeuns met beide een eign huus.

De tied giet voort en alles veraanderd continu dus ok önz leefmilieu. Wej hebt alderbarstens last van roofwild deurdet ze allemoale natuurgebied laanks de Vechte emaakt hebt.

Vossn, Marters, Hermelijngies, Dassn, Reigers, Aalscholvers, Ooievaars, Havikkn en andere streupers.

Vrögger haj allenig een streuper op de fietse haha.

Mar alle kippn, knienegies wurd op evretten deur det wild.

Dr bunt an de aandere kante ok völle mensn die skik hebt van det natuurgebied.

Zo ist ok met die nejbouw, de meeste mensn hebt dr skik van mar ikke nie.

Meerderheid giet veur.

Zo warkt et.

Groetn gruune Jopie

(Mooi dej de beesten tammee an aandre kaante van gaas hebt of de mensen, tis ma net hoeit zeet. Red.)