Kiek’n wa’j zegt op 22 meert in de Overkant

DALSEN – Det meert dialectmaond is, doar zal elke volger van Dalfsennet noe toch wel achter wèèn. Grune Jopie (’s zoaterdaangs wit-blauwe Jopie) hef genog zienn beste doane.

Veur wie die verhalen mooi vind um te lèzen is d’r donderdagoamd mooi wat te doen. Want dan is de joarlukse dialectkwis “Kiek’n wa’j zegt” van de Historische Kringe. Dan ku’j noagoan hoevölle ie van det dialect of weet. En as ie ’t meeste weet dat krieg ie nog ’n pries ok.
Nolly Holterman uut Lemelerveld lèèst heur verhaal veur det giet oaver Darkie, den veur de eerste keer noar schoele mut. Doar zit mooie dialectwoorden in, woarvan ie de betekenis mut roan.
En det is nog niet alles. As veurgerecht lèèst Wim van Oenen, Marti Brouwer en Ab Goutbeek ’n kort verhaal van eing haand veur. Gerlof Veldhuus spölt deunties op de piano, dus wat wo’j nog meer. Um geld hoef ie ’t niet te loaten, want de toegang is veur niks. Wie begint um 20.00 uur. Tut dan! ’T Is in de Oaverkaante,

Artikel delen: