RMO

RMO

DALFSEN – Kiek es an, bun ik bej de Kaasfabriek ant wark en loop ik Walter Brouwer teegn tlief. Samen met sien va brengt ze een hele plump melk van de boer noar de fabriek toe.

RMO chauffeur zei mien va vrögger altied, rijdende melk ontvangst beteekn dat volgens mej. Noe bunt dr kleine boerties met weinig koein, doar hebt ze een kleine vrachtwaagn veur, mar dr bunt ok boern met een hele bult koein, 100 tot 250, woar ze dus met een grote tankwaagn hen mut.

En aj een keer een container mut hemm, zet ze die oe ok veur de deure neer. Hun bedrief zit an de Poppenallee, vlakbej buurtschap Emmn, en doar kumt, gevoarlijke buurte, want dr löp een echte wolf lös doar. Doar wol ik hum dus wel es över sprekkn, mar veur ik iets zeggn konne, röp hej: Hej Jopie, hoe geet met oen dierntuune?

Verduld, thele durp pröt dr över.

Kheb een mooi begun, zeg ik. Mar ik heb elèzn op dalfsennet det dr bej oe een Wolf löp, hebbie al wat ezene, vroag ik?

Nee nog nie, zegt hej, mar ik heb schoapn en dr gistern een vangkooi bej ezet. Want dat biest mut van mien schoapn afbliem. Moggen wej den Wolf vangn, is dat dan nie wat veur oen diertune?Jaaaa zeg ik snel en denke: den ambtenaar hef duudlijk ezegd det ik geen neje diern meer mogge koopn, mar kriegn is een ander verhaal.

Groetn gruune Jopie

Artikel delen:
Foto 1