DALSEN – Sie durft van tjoar gewoon nie te bloein. Överal stoat ze tussn de stroekn en aandere plenties. Speenkruud is een heel leuk soort onkruud wat net as tulpn en narcissn een bol hef. Noe ist van Speenkruud mar een heel klein langwerpig rond bollegie. Det bollegie hef iets weg van een speentie waar sien name dus vanöf kump.

In t latijns hiet et Ficaria verna en de eerste name kump dan weer van Ficus en das een Vijg. Op sommige stè’ s wurd dit plentie dan ok weh vijgwortel enumd.

Mar goed name of gin rare name et ding bleuit vantjoar mieters late alhoewel et al moanden boam de grond stiet en de bluumknoppies op lösspringn stoat. Ut blif ok mar kold, dan hej weer een dag mooi weer en de volgende mön wurd ie wakker en ist alweer te kold umme buutn te zittn.

Koopn hoef ie ze nie want ie kunt ze gewoon opgraamn en as ie dan et zaand dr öf skud komt vanzelf de bollegies teveur schien. Dan ist simpel uut menare trekkn en weer uut pöttn. Kloar en volgend veurjoar bleuit ze zo weer vandan.

Groetn gruune Jopie