OOSTERDALSEN – Ik denke, wie tikt doar teegn mien roete van mien kantoor? Wie is mie neudig of wie wil dr wat wettn? Wie hef dr zo’n drukte? Het bunt kleine vingerties want kleine zachte tikkies. Zal wel een deerne of kind wenne. Dreij ik mie umme en zie ik niemand, gauw weggedökkn of zie hölt mie veur de gek.

Wieder met de administratie en mieters nu heur ik het weer. Mien telefoontie ligt op mien bureau en als ik doar in kieke spiegelt det zodat ik mej niet umme hoef te dreijn en toch kan zien wie er veur t raam stiet.

Mar ik zie nog niks?

Noe mut nie gekker wurdn!!!

Ik dreij mej nogmaals umme en kiek nog is better. Joa noe zie ik ut. Een klein veugeltie zit teegn de roete an te tikkn met sien snaveltie. Kant nie goed ziene mar lik mej een startmeze toe.

Alle veugelties hebt in de gaatn det veurjoar dran kump. Dan muj een eigie leggn in een nöst en das weh net zo gezellig saamp.

Doarumme zuukt ze allemoale een vriend of vriendinnegie.

Disse meze veur mien roete heft mis en kik noar zichzelf in de roete. Of disse is zich ant bekiekn int glas en is nie tevree met zichzelf.

Mar een keer twee per dag anders hek berichies över as de dialectmoand veurbej is.

Groetn gruune Jopie