Veur Joop Wessels met meer - Foto: eigen geleverde foto
Foto: eigen geleverde foto

Veur Joop Wessels met meer

DALFSEN – Ja det heb ik dan weer, kump doar een auto an racen op de Camerlinkstroate. Mej dus tegemoet. In de hoek met de Campferbeekstroate hej doar een naar vluchtheuveltie zittn. Noast menare riedn kan dan nie dus ik denke as heer int verkeer, ik geef wel veurrang en sture wel ietsie noar rechts.

Knal teegn de stoeprand an vervolgens en de luu in de straote kiekt verschrikt naor mej.

Met mej niks an de haand mar mien gruune Peugeot Partner stiet op drej volle en iene leuge baand.

Met de handn in de siet kiek ik eerst is en vervolgens griep ik de krik uut de auto en goa op de knien ant wark.

 

Haaa gruune Jopie heur ik dan en doar stiet mien veurnaam genoot Joop Wessels. Heb ie oen telefoon bej oe? Vrug hej.

Joa det hek weh, hoezo det dan?

Noa dan maak ik een foto van oe en dan kun ie een stukkie op Dalfsennet maakn, ik mis det een bettie de laaste tied. (det kump in meert wel weer, dan is het dialect moand.Red.)

Tja wat mut ik dan?

 

De krik past nie goed onder de auto en bun dr een paar stien vuer neudig. Joop haalt die veur mien op bej zien buurvrouw zodat ik doarna de auto goed omhoog kriege en het wiel kan vervangn. Toch mooi det ze deur mien stukkies noar mej toekomt en helpt?

 

Groetn gruune Joop

Ik heb ok nog wat dialect buukies over. Die maj veur kostpries ophaal’,n en dat is zes euro per stuk. Ollemaal verhalen die in meert op Dalfsennet hebt e stone., met foto’s der bie. Die kuj bie mie in de winkel haal.n ma ok bie de Boskamp hek een  stapel e dropt.

Foto's 2
Veur Joop Wessels met meer
Artikel delen: