Ja, dan zit ik doar op mien ettn te wachtn

Ja, dan zit ik doar op mien ettn te wachtn

DALFSEN – STEERNBOSCH -Ja , dan zit ik doar op mien ettn te wachtn bej Willy en dan zie ik det burd: Camping Starnbosch ?? Ja dat lik logisch, det bos is anelegd in een stervorm mar woarumme dan starn en gin steern of sterre.

In t Nederlands is het ster en in het dialect is het steern want ie kiekt noar de steerns of ie hebt een knal veur de kop ehad en dan ziet ie sterregies. Mar starn?? Woar kump det noe vot, zit ik te denkn.

En tis ok gin bosch mar eerder boz want wej sprekt det kurt uut en dan klinkt de s meer as een z.

 

Noe wet ik det de Vecht een barriere is en vrogger helemoale was mar sprekt ze det dan an disse kant van de Vecht zo uut ?

Of hef de bedenker van de name Starnbosch iets te vulle van de kruudnbitter van Willy sien opa ehad. Schient det dr vrogger wel meer rare dingn gebeurn noa ut nuttigen van det drankie.

 

Ik heure noe van Shakira det ome Jan de name Starnbosch bedacht hef en Jan is een breur van Willy en hum kennende zal dr wel een economische gedachte achter zittn.

Ome Jan wol natuurlijk die westerse wiefies op de camping hebbn en dachn dan mut ik weh een verkopende name hemn.

 

Camping Starnbosch klinkt namelijk vulle vriendelijker dan Camping Steernboz, doar wilt die westerse deernes niet met de tente stoan in hun vakaansie.

Haha mien vissie met aepels en sloa kump dran.

Die Willy kan toch weh mieters eetn kloar maakn.

Noe betrap ik mejzelf op een rare fout want eetn is det nie Nejluusns?

Mien moe kump van Nejluusn, doar solt weh wegkomn.

Groetn gruune Jopie

(Mannes van Leussen hef wel eens uut e legd dat dennen, steern waarn. Daar schijnt ook de naam Vilsteren van aan te komen.

Ons huus heette vroeger  de Oelsteern, uiledennen aldus Mannes van Leusen.. Red.) Helaas kan je het hem niet meer navragen.

Maar Starnbosch kwam voor op de oude kadasterkaarten, vandaar dat het die naam heeft gekregen, welke voordien camping Het Boskamp was. De naamsverandering is ingegaan in 1985 na de uitbreiding van de camping die eerder slechts 4 hectare was. Red,

 

Foto's 2
Ja, dan zit ik doar op mien ettn te wachtn
Artikel delen: