DALFSEN – Aj dan een bettie rond toert op de fietse ziet ie noe överal van die mooie geile bleumpies in de weilandn langs de slootkantn. Vlasleeuwebek bunt det, en die hebt baat bej de dreugte ehad van afgeloopn sommer. Woar ut grus verdreugn haddn disse bleumpies met hun kleine blaagies, wortelstokkn en worteldroadn niks gin last en toen de dreugte veurbej was, een hele veursprong op alle concurentn int weiland.

Doarumme ziet ie noe hele veldn van die bleumpies in de weilandn stoane. Bunt echt mieters mooie bleumpies, bekiek ze maar is van dichtbij.

As ik dan zegge, geile bleumpies bedoel ik gewoon geel en als ik dan mijn schoonzus uit Zandvoort het stukkie app, dan krijg ik een uitbrander van haar.

Int westn bedoelt ze met geil iets heel aans, mar int oostn snapt ze mie weh.

Groetn gruune Jopie