DALSEN – Dan rie ik soamps noar Zwolle toe oaver de Hessnweg en zie ik de ondergoande zunne int Westn. Doar ligt ok Schiphol en dat kunnie ziene. Ik telle zo 12 streepn van vliegtuugn. Ik hebbe zo’n app op mien telefoontie en volge wel us woar die toestelln henn goat of woar ze vandan komt.

Alles wat hier oaver flug is heel vake deurreizend, dus die stijgt nie in Nederland op mar land hier ok nie. Telkens zie ik weer aandere vliegtuugn en start en landingsplaatsn. Ik geleufe dat dr net zo vulle oaver vliegt, dan Nederland andoet of verloat.

Ik meene det Schiphol een dikke 80 miljoen passagiers verwerkt en dan zolln dr dus 150 miljoen van het luchtruum boam oons gebruuk maakn per joar? Ik schatte mar zo’n bettie mar dat bunt toch aantalln?

Ik woone lekker frej buutn mar as ik in de blote konte butn lope, det doe’k nooit, mar stel, dan is de kans dus heel groot det dr toch iene van boam noar mien kik. Det freje woonn is dus eignklijk toch nie zo frej meer.

Groetn gruune Jopie