DALSEN – Dan riej ik over de Stokte en kiek in de bossies laanks de weg en dan valt mej op det dr ongeleufelijke vulle bessies an de Meidoorns zit van tjoar. Hoe kan det, vroeg ik mej dan af.

Wej hebt een raar veurjoar ehad met hele late vorst en toch een paar emmers met reegn. Sie bunt dus miskien wel late uut eloopn, weet ik eignklijk nie goed meer.

Miskien det ze deur de hiete sommer goed egruuit bunt en extra riepe deur de volle sunne.

Ik hebt geveul det dr ok minder vogels bunt dan aandere joarn.

Deurdet ut zo dreuge was, was dr minder te ettn veur de veugelties woar ze dus nie gezonder van wurd. Dan bruud ze miskien wel minder zodet dr minder jonkies geboorn wurd en groot wurd.

Ik mut dr mar is met een deskundige over proatn, jachtopziener Nejenhuus miskien? Den wet altied vulle over de natuur.

Eigenklijk mut dr boam de o, bej volle, een paar punties maar ik wet nie hoe ik det met de laptop mut doene. Met mien telefoontie is det gewoon toets vastholdn. De menier op de laptop is mej nog niet duudlijk.

Groetn gruune Jopie