Oaver ons kasteel Rechtern - Foto: Gruune Jopie
Foto: Gruune Jopie

 Oaver ons kasteel Rechtern

RECHTERN – Joa op de foto ziet ie nog mooie blueiende Rhododendrons mar das verleedn tied. Sie bleuit nie meer, althans nie zo hoge meer. Deur de ontieglijk dreuge sommer bunt de meest verdreugt. Joarn, ja tientallen joarn bunt ze omhoog egruuit en dan krieg ie zo’n nare hiete sommer en ie kunt weer opnej begunn.

Sie hebt dr een hele bult Rhododendron struukn bej de grond af ezaagd. Det gef niks want sie loopt zo weer uut, maar de traan springt mej telkens in de oogn ak dat zieje. Twee, Drej, zelfs Veer meter hoge waarn sommige Rhododendrons en twas int verujoar een lust voor t oge. Ja dat zelfde oge woar noe steeds die traan in zit.

Ik bunne trouwens donders bliede det wej een neje graaf hebt, det hef toch wel wat int buutenlaand.

Joa zeg ik dan altied, we ar having also a castle with a greath men in big iron clothing.

Ik hoppe dat ze mej dan snapt, det wej ok een kasteel met een graaf hebt met soms een harnas an.

Want ik hoppe dat eh det ding nog wel es an hef, al solt wen om indruk op sien vrouwe te maakn veur t sloapn goan.

Det hef toch iets magisch, een kasteel met een ophaalbrug, een mooie jonkvrouw en een graaf die dan uut ut raam kik.

Ik heb hum nog nooit esprukn maar tlik mej een oardige keal ak die stukkies op internet van hum zage.

Hej hef verstaand van antiek. Now ik heb int bejoardenhuus dr een paar ezene lest.

Groetn gruune Jopie

Artikel delen:
Foto 1