Scharp maakn  (Nedersaksisch) - Foto: Gruune Jopie
Foto: Gruune Jopie

Scharp maakn (Nedersaksisch)

DALFSEN – Op de wielkast van mien gruune karre ligt mien boomzaagie. Kun ie an een stok klikkn en dan kun ie op drej of veer meter hoogte een takke van een boom afzaagn. Giet altied prima mar dat zaagie mut weh goed scharp wenne.

Ik heb nog vrogger bej een kwekerij in Heino ewarkt en doar had ik een olde collega die sökke zaagies goed sliepn kon. Hej had een klem die aj op toafel konn vast drejn en det zaagie konnie dr dan in vastklemmn. Heel geduldig ging det olde basie dan met een drejhoekig vieltie dat zaagie sliepn.

Kon soms weh bienö een uur duurn veur det kloar was maar dan konnie weer moandn zaagn.

Det olde kealtie is natuurlijk al lange de piepe uut mar ik vroag mej dan af?

Sol dr nog iemand wenne die dat veur mej doene kan? Ik heb dr zelf tgeduld nie veur want tis monnikenwark en bej mej mut ut altied met gaank goan.

Artikel delen:
Foto's 2
Scharp maakn  (Nedersaksisch) - Foto: Gruune Jopie
Foto: Gruune Jopie