Alleend an de bar (Nedersaksisch) - Foto: Gruune Jopie
Foto: Gruune Jopie

Alleend an de bar (Nedersaksisch)

DALSEN – Willy is in de kukkn ant wark en dan denk ie daj allenig an de bar zit. Nou mooi nie dus. Die Willy hef dr wat veur bedacht. Hej hef doar een apperaat neer ezet. Dat ding pruttelt en borrelt teegn oe, ik kon dr eerlijk gezegd nie völle van verstoan. Dat kump umdet ze an de aandere kante van de Vecht toch een aander dialect hebt.

Ik zegge, tjow teegn det apperaat en ik heure: pruttel-pruttel- bloeb of zoiets. Jammer ut ding kump ff nie uut zien woordn, umdet ik noast hum zit?  Ik kieke ens goed of ik nie belazerd wurde en gewoon Willy in die kaste zit maar nee, zie niks en ik heure Willy kabaal maakn in sien kukkn. Ik vreuge een omelet maar volgens mej gooit hej eerst eier teegn de muure kapot of zo, wat een herrie.

Ik vroage an mien buurman: nö hej vandage nog wat met emaakt? Bloeb bloeb is sien antwoord. Ja ik kan dr gin sinnig woord van verstoan mar det zal weh an mej liggn. Doa mar net akt verstoan hebbe en zegge; zo das nie mis en ist goed af eloopn?

Bloeb pröttel bloeb, sol det ding soms tevölle edrunkn hemmn?

Klap, doar giet de deure löss en doar kump mien uutsmieter an, Rowan, sunne van Willy zeg mej , smaaklijk eetn Jopie.

Apperaat zeg mej gin smakelijk eetn, mar bloeb bloeb.

Groetn Gruune Jopie

Artikel delen:
Foto 1