DALFSEN – Kiek es an, disse Zonnehoed hef al weer een bluumpie wat noar de schrale zunne koekeloerd. Normaal is dit een snijbloem die middenin de sommer bluuit maar deur het rare weer noe dus in November.

Woar mut dat toch henn. Op de Tuunbouwschoele hebt ze mej vanalles eleerd wat noe dus nie meer klopt.

Aj de verkeerde bleuitied invullen met een repetitie dan haj zo een punt aftrek. Noe bun ik gelukkig zonder ooit te bliem zittn de skoele deur ekommn mar miskien bunt dr aandere leerlingn die nog protest kunt doene voor hun, achteraf, goede antwoord.

Eigenlijk sit het dr nie iens uut umdet dr allemoale dode en geile bladern an de plant sit en dat hej middenin de sommer nie.

Doardeur kuj toch weh siene dat het December is en nie Juli.

Groet Gruune Jopie