DALFSEN – Ik mösse ff met noar skoele, kiekn hoe t ging met de zeune. Of hej nog weh sien beste dut en de cijfers positief bunt. Ach die klassn ziet dr allemoale nog steeds ut zelfde uut. De docent zit nog steeds met de neuze veuran. Alle leerlingn mut noar hum kiekn en achter de leraar hangt nog steeds een burd. Kan natuurlijk ook een vrouwe wenne want dr bunt ok bultn dames in t onderwies ant wark.

De docent sprekt de olders toe över de skoelplann en hoe t giet in de leerweg veur de zeune. As afeloopn is mut ik ff wat bekiekn want Jopie hef weer wat aparts ezene. Dr hangt een soort collectezak an de kante met allemoale cieferties dr op. Ik hebbe tiedens de toespraak van de docent al zittn denkn, woar sol det toch veur wenne?

Now de docent mak mej snel wieser. Veur de les begunt mut de jongs en deernes hun mobieltie in de zak stoppn. As ze dan het ciefertie onthold, kunt ze nou tied hun mobieltie terugge vindn.

Groetn Gruune Jopie