DALSEN – Möss ik doar vanoamp de Damito beurs stand opbouwn. Ik denk wej zet dr een paar wandn van boomschors in, altied fijn aj iets nejs hebt en ie bunt snel kloar want wej bunt zo druk opt oognblik. Eigenklik helemoale gin tied dr veur, bettie soamps opbouwn. Ik vinde dat een bettie Dalfser ondernemmer met mut doene as dr wat uhorganiseerd wurd in öns durp.

Saamn iets moois maakn is toch geweldig leuk. Iederiene is altied druk en ik het allerdrukste, haha, mar ik vind het geweldig as de mensn an mej vroagt of ik nog weer een waterpartijgie maake wat zekers al vieftien joar geleedn is. Wat let de mensn toch ok altied op mej, haha.

Wej maakt eerst een mooi freempie van goedkope balkies van buurman Diekx en doar schroeve wej dan die mattn teegn an en dan kan mien vrouwe dr iets leuks veurzettn en anhangn. Wej rolt de eerste matte uut en gelieke bingo.

Want wat zie ik doar? Joa joa een bejen koninginne in völle rust. Ik kieke nog een keer goed, ist miskien een wesp moar nee tis echt een beje. Kiekn öff det biesie tiedens de Damito beurs wakker wurd en geet vliegn.

Haha en geliek een test hoevöle mensn dit leest en bej mej op de stand komt hierveur.

Groetn Gruune Jopie