Een hele walm van stoefmeel - Foto: Gruune Jopie
Foto: Gruune Jopie

Een hele walm van stoefmeel

DALSEN – Kiek toch us an, sckup ik ietsie teegn de Taxus heg an en kump dr een hele walm stoefmeel öff. Aj dat in de neuze kriegt, proest ie wel een paar keer. Is nie vrög of late, nee is altied um disse tied.

Heerlik det ut weer dialectmoand is want ik schrieve makkelikker in dialect dan in Hollands en ik vind ut völle mooier, Dialect is toch iets wat ons een bettie verbind? Ik krieg dr mieters völle commentaar op en 99% is positief. Mooiste is det de luu zo ineens dialect teegn mej begunt te proatn op stroate en det hef toch ok wel weer wat.

Ik heb veurig joar in de sommer een boekie met verhaalties loatn maakn en afgeloopn wekke den tweedn. Unieke verhaalties uut ut dagelijks leem en ik heb de buukies bej mej op de Damito beurs Donderdag t/m Zoaterdag.

Noe denn Taxus, woar ik met begunn, det stoefmeel bevrucht de kleine bluumpies die an de vrouwelijke plantn zit, Joa dr bunt dus mannelijke die stoefmeel produceerd en vrouwelijke met bluumpies die graag bevrucht wilt wurdn. Want voortplantn det wil elk levend weezn noe ienmoale graag. En doarumme kunnie överal in de tuune kleine Taxusies teegn kommn en nie allenig doar, ok in de natuur zoas bossen.

Groetn Gruune Jopie

Artikel delen:
Foto 1