Iesmeester maakt de bane mooi glad - Foto: Gruune Jopie
Foto: Gruune Jopie

Iesmeester maakt de bane mooi glad

DALSEN – Dit wil ik mien volgers op Dalfsennet toch nie ontholdn. Moandagmunn hebbe wej de laste dingn op ehaalt uut de Trefkoele en wej drunkn nog eem een bakkie koffie an de bar en wie kump doar an?

De ijsmeester van de Trefkoele op zien Sambonie. Mooie rundies drejne met die machine en överal was de vloere weer blinkend. Eerst dr över met een zeepie en as dat in ewerkt was, ging hej dr nogmaals överhenn met de Sambonie. Denn twiede keer zuug det machinegie det zeepie weer op en bleus de vloere weer dröge.

 

Dit had ik nog nooit ezene terwijl ik toch al heel vake in de Trefkoele bun ewest. De ijsmeester drejn zo mooi bochies daj konn ziene dat hej dit al völle vaker edönne had. Gin neje machine dus volgens mej en heel knap manovreern tussn de toafels en stoeln deur en ik konn mien lachn nie veur mie holdn. Heel kunstig om te ziene.

 

Groetn Gruune Jopie

Artikel delen:
Foto 1