DALSEN – Kwaaaak kwaam, heurn ik vannacht steeds buutn. De kikkers bunt ant rollebolln asof tniks kost. Boam op menare en iene kleverige zooi in de viever, dr komp weer een hele bult jonge kikkerties an. Hele wolkn met kikkerdril hebt ze al eproduceerd en dr kump nog meer bej vandage.

Dan ist ok altied in iene keer kloar dr met. Die kikkers wet weh van öfkaartn

Zo’n viever leeft toch altied, tamee weer allemoale skaatsn rieders en helikopterties in verskillende kleurn. Jonge Goldvissn en Elrietsn. Salamanderties hek de leste joarn nie ezene en op al det jonge spul kump miskien tamee de iesveugelties weer öff.
Mooi op een sunnige zundagmiddag bej de viever.

Groetn gruune Jopie