Schriever uut Ni’jlusen kump mit verhalenbundel - Foto: Ingezonden foto
Foto: Ingezonden foto

Schriever uut Ni’jlusen kump mit verhalenbundel

NIEUWLEUSEN – NI’JLUSEN – Bij Het Drentse Boek is dizze maond de verhalenbundel ‘Moenen’ deur Chris Canter verschenen. Een jonggien fietst deur zien dörp en prakkezeert aover deuren, schuttings en heggen daor as e nog nooit achter ewest hef.

Twee reizigers hebt een ongemakkelijk gesprek in de trein van Grunning naor Zwolle, intied det aoveral in ’t laandschap barakken veur vluchtelingen staot. Een journalist en vleisliefhebber mut de veganistische schriever van een Drèentstalig meesterwark interviewen. ’t Decor van de verhalen is dan weer de stad mit zien palet an culturele invloeden, dan weer ’t haost mystieke plattelaand. Verscheiden van de verhalen gaot aover, of speult in, Ni’jlusen en umgeving. Allemaole bint ze eschreven in ’t Ni’jlusens.
De bundel is veur twaalf euro te koop bij The Read Shop en Museum Palthehof in Ni’jlusen, en is te bestellen via www.drentheboeken.com

Artikel delen:
Foto 1