DALSEN – An de iene kante wurd de wereld steeds gruuner. En das toch wat iederiene graag wil? De politiek mak zich dr zelfs erg druk umme. Probleem ia allenig det ut allemoale alg en mos is wat dr gruuit. Werkelijk överal zit det spul op. Op de stroate, op muurties, kiek mar is rond want ut zit zelfs boam in de stroeken en boomn.

Aj de skuppe te lange buutn loat stoan , zit dr nö een moand ok mos op.

Een dreuge en hiete sommer met int nöjaor en winter tot op heden völle reegn is dr volgens mej de oorzaak van. Continu Westenwind. De temperatuur steeds boam nul en de nachtvorst diew ehad hebt, stelln nie völle veur. Ie ziet boomn woar op drie meetr heugte bultn mos gruuit. Det giet met een nachtvursie echt nie kapot.

Wej mut dus vorst hemmn, en dan echte vorst, 10 tot 15 groadn onder nul ast kan. Allenig hoe regele wej det? Sie kunt ah reegn maakn met ien of aander poeier wat ze in de lucht streuit. Mar gewoon een wekke Oostenwind en tis veur menare. Een flinke vorstperiode. Hoe kriege wej die Westenwind dus umme?

Al die windmölns sölln die nie wat kunn reegeln?

Groetn Gruune Jopie