Wachn is iets wat iederene int leem veule sol meemaakn.
Ut begint a veurdaj geboorn bint. Oen olders mut afwachn wat wurt ut. Un jochie of un meissie en zit alles der wel an. Meestal mujt der mar mee doen.
.

Dan kump ut volgende: wachn opt eerste tantie, dan wachn tutdet ut giet loopn. Daorna wachn tutdet ut giet proatn. Dan wachn tutdette naar skoele mag um dan weer ofte wachn offe met kan komen met de andere wichter. Noe weer wachn welke kante of ut op giet met leern of warkn. Noe weer wachn op de eerste verkering en wat veur soort relatie der van kump. Het kan der zo ok van kommen det ze zelf ok op hun eerste kind goat zitten wachn en dat kind zal ok in de gaten kriegn dette heel wat tied in wachn zal mun stoppen. Mar der bint speciale ruumtes um te wachn: de wachtkamers. As ie naor un dokter of zoiets mut, dan maak ie un afspraak. Mar door doet die luu gin zak op uut
Der was laatst in man die un goedbetaalde baan had en die had um acht uur een afspraak bie zo’n dokter en hij was om tien uur pas an de beurte. In de wachtruimte zadde zich al op te vreten van ergernis. Hij kump dan eindelijk bie de dokter bin en mog gaon zitten, wadde net al twee uur hadde daone.
De dokter pakte de map van de patiënt um te bekieken waor of de patiënt in zien behandeling noe mee bezig is. De dokter had zich kennelijk niet veurbereid en de patiënt vreugd zich af weurum hij un afspraak met die dokter had mun maakn. Toen hij de rekening van die dokter kreeg heffe de tied in de wachtruumte hadde zetten inne hooln op ut eindbedrag van de rekening, want in die tied hadde zelf meer kun verdien. Tja had die dokter zich met better mun veurbereien op die afspraak. Mar wachn es eem ut giet toch over wachn? In wachtkamers is heel wat tied deure brach. Int leem zelf ok. Wachn tut dej
oold genog bint um oe riebewies te haaln of later tut det ie old genog bint um oen aow te beurn. En dan later wachn tut oen tied ekomn is det bie oe de lampe uut giet. Dan ist wachn ok edaone.
Ton Schrijver.