Een beste  ieke’nboom - Foto: Gruune Jopie
Foto: Gruune Jopie

Een beste ieke’nboom

HESSUM – Ik heb een klante in Hessum en denn hef een iekenboom noast sien gruslaand stoane. Det ding is nie iens zo hoge mar dikke !! Alderbarstens wat dikke. An de stam kuj ziene dat disse boom a heel wat met emaakt hef. Dan begun ik ah weer te fantaseern.

 

Waarschijnlik zit dr heel völle prikkeldroad in egruuit, denn boom stiet an de rand van ut weilaand en dan kuj’t weh roadn. Bultn spiekers en krammn zit dr in. Hej zal ok weh beschadigd wenne, umdet den boer dr met de trekker teegn an ejag is. Ruzie met de vrouwe en met iets tevölle gaank deur sien weilaand. Knal teegn denn boom an, bast dr öff en denn boom zegn nie iens auw. Hele generatie’s veugelties hef hej a onderdak egeem. En mar scheitn met sien alln. Weh weer voeding veur denn Eik. Insecten en allerlei aander ongedierte hef dr in ezettn. Disse Eik hef verschillende oorlogen met emak en miskien ok wel aandere ruzie’s en gevechtn.

 

Hoe völle Eikels söllt dr a weh nie af evalln wenne. Hoe völle jonge Eiknboompies hef det a op elehvert. Woar söll sien familie allemoale stoane?

 

Ik denk dat disse Eik te nat stiet, vlakbej de Vechte en dat hej doarumme nie zo ontzettend groot en hoge is. Ik wet echter in Dalfsen gin dikkere te stoane en ik wet een paar boompies te stoane heur. Ontzag hek dr eigenlik veur. As denn boom sien gescheidenis toch is kon vertelln? Maakn ik dr een bankie bej woar aj op kunt zittn luustern.

 

Groetn Gruune Jopie

 

Foto's 2
Een beste  ieke’nboom - Foto: Gruune Jopie
Foto: Gruune Jopie
Artikel delen: