DALSEN – Koffie!!! Roept ze dan. Ja dat gewerk in die kolde, dan giet dr een bakkie koffie weh in. Normaal is heur man thuus en maak ik doar een proatie met. Vandage is hej vot en kump sej bej mej an toafel zittn.

Jopie ik leg dit apperaatje even tussen ons in, dan kan ik je beter verstaan, zegt Mevrouw.  Mien va hef ok zoiets mar dan meer veur de TV om doar noar te luustern.

Ik nem een slok koffie en het gesprek kump op gaank. Mevrouw legt mej uut det ik recht noar heur mut kiekn en rustig mutte proatn. Dan söllt allemoale goed goane. En tkump goed, över skilderijen, kabouterties, zwaluuwn en wet ik wat nog meer. Soms hek tgeveul dak veur TV geintervieuwd wurde. Det iene gruune lampie schient noar mej en toen ik knipoogn deed eh det niet terugge.

Apperaat hiet een Phonak Solo apperaat en doar met kan een slechtheurende toch alles verstoan en terugge proatn. Aj een bettie doof bunt leef ie erg in een isolement en dit ding is een perfecte oplossing. Mevrouw legt mej uut det er 8 uutgangn bunt die ze richten kan. Op ien persoon mar dus ook een hele toafel vol mensn. Bej grote aantallen deur menare proatnde mensn werkt het niet goed mar as mensn dr rekeningn met hold en umstebeurtn proat, giet het prima met dit Phonak dinggetie.

Tja, in een groep ist meesta de gene die thardste schreeuwt, denne hef geliek mar deur dit apperaat kon det wel es aanders wurdn!

Groetn Gruune Jopie