DALSEN – Kiek es an, strop veur de geranium kweker want deur ut gebrek an vorst, is de Hanggeranium in leemn ebleem en hej begunt weer te gruujn. Disse man hoeft gin neje te koopn. Nog eempies wachtn en de bluumpies zit dr weer in.

Aj disse foto vergroot en goed kiekt, kuj de bloemknuppies zien zittn. De eigenaar heff disse pot nie noar binn edoane. De hele Winter heff det ding een meter boam de grond buutn ehangn. Doordeur heff eh de nachtvorst, die wej ehad hebt, overlaeft. An de grond ist vaker kolder dan een meter boam de grond.

Deur det broeikasgebeurn ofteweh de opwarming van önze Eerde, kump dr noe een hele aanvulling op de lieste met winterharde plantn in Nederland. Kunt ze mooi op de tuunbouwskoele de lesboeken vervangn. Want ie mut weh up-to-date bliem int onderwies.

Groetn Gruune Jopie

PS , veur commentaar mail noar : gruunejopie@hotmail.com