DALSEN – Zo stiet die wiesneuze veur ut droad. Kiek mej es mooi wenne!! Ik bun toch völle mooier dan mien collega in de wei. Joa dr loopt vake twee Peerdn in de wei noast de nejbouw, hebt de mensn wat te kiekn en te paain.

Want dr stiet gereegeld volk bej, kleine kinties met va en moe of met opa en oma. Bunt ok twee trotse Peerdn, want sie loopt vaak heel statig deur de wei met een air van: kiek mej is loopn. Ik heb niks met Peerdn, zelfs een bettie hekel dr an want bun dr as klein jochie ooit es af ekeukeld. Sindsdien hek dr een bettie hekel an. Een soort jeugdtrauma dus.

Mar ik had ut över die twee Peerdn. Ik denk dat denn iene tamee een feesie heff umdet hej zo mooi ekleed is. Volgens mej loopt ze vake veur zo’n waagn bej feesies. En dan muj een mooie jurk an toch? An det Peerd kunnie gewoon ziene det hej ut zelf ok leuk vind, stiet gewoon trots in sien wei. Kiek mej is!!

Groetn Gruune Jopie.

PS commentaar op mien stukkies? Mail gerust noar: gruunejopie@hotmail.com