DALSEN – Gin voebal, nie umme te doene of te kiekn. Ik veule mej dan zielig mar wat bun ik toch een zeurpiet.  Ak dan verhaaln heure hoe ut in de zieknhuusn dr an toe geet. Mien van en moe en aandere bewoners, die in Rosengaerde op esluttn zit.

Heel völle mensn die thuus zit te koekeloern vanwege Corona. Beursn die in menare esturt bunt en de stress die int Westen van öns land heerst.

Zitte wej hier int Oosten nog relatief relaxt. Pettie öff veur de zorg, wat zult die mensn ok wat met maakn. Kump allemaola kurt bej want ie heurt noe toch ok van besmette leu die ik weh kenne. Alles zit dichte, hej t geveul en deur mien kop zingt continu het leidie van tGoeie Doel: Waar kan ik heen? ik kan niet naar ….. etc.

Thuus zittn mar det hej nö een wekke ok weh ezene. Wej mut mar överleggn det alle feesies die niet deurgoat tamee in iene wekke eholdn wurd. Make wej dr een feestweek van ast veurbej is. Mar mutte wej feestn nö afloop van disse pandemie, zoas ze tnoe nuumt? Allemaole dubbele gedachtn, tbeste dr mar weer van maakn, dialect moand schot ah weer mooi op, krieg toch weh leuke reacties en bun bliede dak ik in disse nare tied, mensn bliede make met mien dialect stukkies.

Groetn Gruune Jopie,

PS veur commentaar op mien berichies: gruunejopie@hotmail.com