DALSEN – Half Meert en dan kuj nog prima de bossies snuujn. Vieftien Meert begunt ut broedseizoen officieel, nö en det klopt dus weh weer. Toen ik een bettie dichte Liguster wolle uutdunn kwam ik een Merel teegn. Heb heur evroagd of sej ff an de kante kon goane en later wieder wol goan met bruudn.

Gin probleem zeggn det biesie, zuuk ik ehm een paar worms en goa dan wieder met ut warm holdn van de eigies. Kwartiertie later was de Liguster uutedunt en ik had nog wat takkies över het nössie henn elegd teegn tzicht van boam öff. Zo kunt de Eksters de bruudende Merel nie makkelijk ziene. En joa heur, moe de Merel zat al opt muurtie te kwettern en gink doodleuk bej en ehm later opt nöst zittn.

Kwestie van overleg toch?

Groetn Gruune Jopie