Ophokplicht - Foto: Gruune Jopie
Foto: Gruune Jopie

Ophokplicht

DALSEN – Deur wurd ie toch gewoon bliede van?  De koe’n noar buutn. Prachtig gezicht en bun dr speciaal ut weggetje veur op ereedn. Bun stille goan stoane vlak veur de spoorwegovergang en heb doar de foto emaakt.

Bun weer goan zittn en wolle optrekkn en över de spoorlijn drejn, doar was ruumte. Ik was zo gebiologeerd deur de koe’n dak de anstormende trein nie zaage. Wol net de spoorlijn op toen ik tuuuuut,  heurn nost mej. Mieters, op de rem en ietsie terugge, heb nog ezwaaid noar de machinist, dank oe keerl, zag allenig die koe’n int weilaand.

De koe’n heerlijk noar buutn. Mien va vreug Sundag ak nog factuurn had umme rond te brengn. Joa, heb humm geliek een stapeltie ebracht. Moandag hef hej die rond ebracht en toen hej terugge kwaamp in Rosengaerde wenkn de direktrische. Meneer Bekedam?

Vanaf nu blijf je binnen en niet meer naar buiten, veel te groot risico, stel dat u het virus mee naar binnen neemt. Tja groot gelijk natuurlijk, niet over noa edacht, dom en dus binn bliem veur pa Bekedam. Ophokplicht? Joa eigenlik weh, hebt die koe’n toch better veur menare. Lekker de wei in.

Groetn Gruune Jopie

PS, commentaar op mien stukkie’s? mail gerust noar gruunejopie@hotmail.com

Artikel delen: