DALSEN – Nachtvorst of vorst an de grond, nuum ut mar zoaj wilt, mar was alderbarstens kold Sundag en Moandagmunn. Umme 8 uur wast volgens mien telefoontie 4 groadn onder nul. En det was te ziene in de loop van de middag. Dan kunnie toch weh jankn as ie noa een joar eindelijk de Magnolia in de bluuj hebt en det hej dr zo bej stiet.

Combinatie vorst en wind gef dan dit broene resultaat. In het Noorden zit een groot Hogedrukgebied wat öns dan strakke Oostenwind brengt. De bloemn van völle stroekn kunt doar dus nie teegn en vooral nie as ze geopend bunt. In de knop kunt ze nog weh wat liene en ik zaage dus ok de poarse Magnolia zonder schade. Die bunt nog nie volledig open en dan hebt ze nog ietsie bescherming teegn de kolde Oostenwind.

Toch weh sunde, muj weer een heel joar wachn veur oe stroeke in de veurtune bluujt.

Groetn Gruune Jopie

PS : commentaar op mien stukkie? Mail gerust noar gruunejopie@hotmail.com