DALSEN – Joa ik leaffe nog heur, mak oe mar nie drok. Eem afkikkn van de dialectmoand, is veurbej evleugn. Ik komme daags zo völle teegn woar aj wat leuks över vertelln kunt. Mut mej eem bettie koest holdn van Willy.

Bun ik in de Pastoriestroate ant wark en heur ik wat lawaai in de verte. Kiek ik umme en sie ik doar wat leu met een kraane de piepe van de Keezefabriek ant inspecteern. Sie kiekt dr in, goat noar de sietkaante en kiekt weer in de piepe. Hup noar de aandere kante met de bak van de hoogwarker en kiekt ze an die kante in de piepe. Ik heure wat geskreeuw en de hoogwarker zakt in menare.

Dan bun ik zo nejskierig, wat zuukn sej noe?  Ik wette det dr kraajn opt oognblik ant nösteln bunt, mar solln ze doar zo’n dure krane veur huurn?

Groetn Gruune Jopie