Tjonge, hej is dr tussn uut epiept! - Foto: Gruune Jopie
Foto: Gruune Jopie

Tjonge, hej is dr tussn uut epiept!

DALFSEN – Joa, dat zei mien zus zoaterdag oamp, int zieknhuus. Anderhalve wekke geleedn evalln met de fietse, misschien ok deur eemwichts stoornis? In ieder geval gunk hej veurige wekke Donderdag noar de briembusse en met de krante onder narm, kreeg hej eemwichts probleem en kon hej iniens meuilik loopn.

Een proppie in de harsens bleek int zieknhuus. Dat mutte wej eem verhelpn met bloedverdunners, zeggn det deerntie die dr veur eleerd hef. Joa zeg mien va, snap ut, ik bunne 88 en wil grage 90 wurdn, heb een heel mooi leem had en wil nie marteln, dus bloedverdunners int infuus en ast fout giet hek pech ehad, dan ist mien tied. Ik zat dr bej te gaapn, wat moss ik zeggn?

Ien op de 17 giet fout zegn de zuster.

Mien va was dus die iene.

Tjonge wat zak hum missn, mien mieterse mooie en fijne va. Hej was dr altied ak hum neudig ware. Altied steun van hum ehad. Hej leern mej ons prachtige dialect.

Raar, mar ik heb dr vrede met. Ok doarin is hej mien grote veurbeeld.

Groetn gruune Jopie

Artikel delen: