DALFSEN – Ik kreege van mien zussie een foto uut 1969. Wej woon an de Neje Uutleg, teegnöver de Gereformeerde skoele. Ik wet nie meer van wie ik ut eleerd heb mar noa skoeltied hek disse iglo emak saam met Gaittie, een buurjochie.

Mien breurtie en zussie moggen dr in en mien va maakn dr een foto van. As trotse bouwer, stund ik dr achter met mien witte bekkie. Joa, ik had vrogger nogal een witte bek want ik wol nie genog vrettn, zei mien moe tenminste altied. Ik kreege krachtvoer dr bej en iezer pilln. Ech nie te vrettn, kheb dr verscheidene onder de toafel espejd as va en moe niet keekn. Kleine Gruune Jopie was eerder dus nogal wit en was graag in de snee ant spölln.

Mien zuuns kent snee, mar dan hejt dr ok met ehad. Kleine kindies solln noe weh vremd stoan te kiekn ast soll goan sneewn. Die kleinste kindies hebt nog nooit snee ezene. In Holland tenminste.

Groetn Gruune Jopie (Toen wast Witte Jopie)