DALSEN – Joa, doar giet uh, op de skaatsn an de Oosterdalfsersteeg. Dit is noe echt Hollands, amper boam de raand van de sloot uut kunn kiekn en mieters henn en weer skaatsn op zo’n sleutie. Met 2 joar blik det kealtie een mieters talent en wurd hej ontdekt.

Dan vervolgens in de jeugd van de Stokvisdenn met noar Deemter en rekords uut de boekn skaatsn die Erben as klein kealtie evestigd hef.

Droomn is toch mooi mar ik solt hum gunn. Gin dure skaatsn en noar de kunstijsbaan, nee gewoon op zo’n sleutie en waarschijnlijk broodje hagelslag of pindakeze in sien rugzak op de bagagedrager van de fietse. Moe ik komme weh weer ast donker is, hef hej nog eschreeuwd. Nog net gin lichie op sien mutse. Genietn, doe ik van zo’n talent in de dop.

Groetn Gruune Jopie