DALSEN – Dit keer mien eig’n breur. Kump met een foto anzettn, muj es kiekn wat een prachtige boom en die wortels hoe ze zich vasthold in de eerde. Ja denk ik dan, de tuunman hef hem iets te hoge eplant of hef dr niet genog grond umhenn espit. Zo simpel is ut natuurlijk nie.

Dr was een Eik en denn gooin een Eikel op de grond. Die Eikel dachtn in t veurjoar, toe ik maak een wortel en stek det ding in de grond. Spoedig kwaamp dr ok een scheut uut de Eikel en doar kwam een blaagie an.

De Knienen bleem dr öff en zo gruuj”n de Eikel uut tot een buumpie.

Noe de essentie.
As een boom zich uutzei’jt dan zit de wortelhals, das de grens van wortels en stengel, dus net in de grond. De vertakkingen van de wortels zit dus net in de grond. Mocht det buumpie net op een heuveltie stoane, dan kan de grond um det boompie wegspuuln en kump de wortelhals bloot te liggn.

Det is noe net wat op de foto zichtbaar is.

Kwekers goat ok vake een apart boompie entn of stekkn. Zukke boompies word altied netties eplant en mien meest collega’s wet we hoe det mut. Alhoeweh ie teegwoordig ok völle dode materialen Hoveniers hebt, disse wet nog net det de wortels in de grond mut mar heb verder gin verstaand van planties. Bej zo’n geplant boompie zit de wortelhals dus altied diepe genög en kump dr een keersrechte stam uut de grond.

Doar wurd mien breur echter nie wild van.

Groetn Gruune Jopie