DALSEN – Vandage een bettie hele leuke reclame veur het tuindersvak. De winkelier dei ze verkoch kan gin woord plat volgens mej, kan ok nie as hej dames in de winkel hef veur messn en vurkn. Dan mut ie netties hoog Hollands proatn. Hef hej van sien va eleerd. Hej verkoch vanalles, zoas pannen en pottn

Spulgoed veur kleine kinderties en allerhande aandere huusroad waj neudig bunt. Ik zage noe iets heel leuks bej hum stoane. Kweektoafels veur kinderties umme te leern kweekn. Kiek dat mut ik promootn. Wej mut meer geveul bej de jeugd kweekn veur ut buutn gebeurn. Ik bun över 5 joar ok nog jonge tuunmannegies neudig en via zo’n kweektoafel is dr altied jeugd die ok interesse krig umme tuunman te wurdn.

Dus Vaders en Moeders , Opa’s en oma’s leert oe kinderties en kleinkinderties kweekn en geef ze zo’n prachtige kweektoafel, gewoon in Dalsen te koop. Vroag ut in het dialect zodet wej ok gelieke det hij een bettie dialect leert.

Cees woont sien hele leaven ah in Dalfsen, is ah 30 joar winkelier en zit sinds een paar joar weer middenin ons durpie met de winkel, vlakbej de grote Karke. Loat ze mar schoevn, altied wat leuks in sien winkel.

Groetn Gruune Jopie