DALSEN – Wat een drama. Zekers een wekke kon ik nie över mien favoriete weggetie henn. Afeslöttn. Sie bunt met de Hessenweg ant wark en ok met alle Parallelweegn dr langs, infrastructuur en slootn verleggn. Is weh mooi om det is zo kurt bej te bekiekn. Bettie asfalt dr bej, denk ie dan, now met det asfalt hebt ze weh tminste wark. Soms tellie weh 10 minikraanties bej Oldluusn. Kost wat?

Maar ik kon dr nie langs, op ebrökken, dr moss een sloot verlegd wurdn, onder de Stokte deur, volgens mej. Allemoale werkgelegenheid want dr bunt völle plaatselijke ondernemmers ant wark met hun machinepark. Soll det noe deur de Corona crisis kommn? Feit is det deur al dat gereis van de bevolking Corona in rap tempo in elke uithoek aanwezig was. Dus as ie minder reist, is de volgende ziekte minder snel de wereld över. Is natuurlijk onzin minikraanties en aandere machine’s verre weg te haaln. Disse, eign, machine’s graaft net zo snel en ie ziet nog een keer een bekende ant wark, op disse manier.

Maar allah, mien weggetie is weer frej, kheb weh eheurd dat in de nabije toekomst de kleine weggeties dichte goat en det ik een entie umme mutte rien om in Oldluusn, Ommen of Zwolle te kommn.

Groetn Gruune Jopie