DALSEN – Kiek es wat ik vandage tussn de broene blaagies vunne? 20 euro mar liefst, vast bej iemand uut de broek eweij’d. Of een vrouwe ant teutn met een vriendinne en floeps, vosse wind weij’n de portemonne leug.

Zo lang ast nie umme een miljoen giet blief ik altied eerlijk. Heb dus de eigenaar van de tuune ut netties emeld en de 20 euro doar op de toafel elegd. Mar van wie is det geld noe? Hej lag an de Wilhelminastroate vlak noast de stoepe. Ik snappe weh det dr noe gelieke vieftig man teegn mej begunt te schreeuwn”hej is van mej. Hebbe wej een probleem want van wie ist echt?

Doarumme, dr stiet een nummer op en wie het juuste nummer wet is de rechtmatige eigenaar.
Mail maar noar gruunejopie@hotmail.com

Joa , de eigenaar is bekend.
De heer Jos Klaassen had het goede antwoord.

Dr stiet inderdaad 20 op ut brieffie.

Kom hum maar haaln Jos, ie zult weh bliede wenne daj hum terugge hebt.

Toch weer mieters mooi dat een evunden voorwerp bej de rechtmatige eigenaar terechte kump. Grage wil ik weh weetn hoe t kump daj det brieffie zo ineens kwiet waarn. Waj an de proat? Of moss ie oen autosluttels uut de broekzak pakkn woar det brieffie ok inzat? Bun ie weh vaker zo slordig met oen geld?

Of heb ie tevölle geld, daj dr zo met umme springt. Dan wet ik nog weh een paar goeie doeln woar ajt better kwiet kunt.

Groetn Gruune Jopie