OOSTERDALSEN – Met mien verjoardag hek twee grote Vlaamse Reuzn ekreegn van mien personeel. Leuk idee want ik had dr ah drie meer en noe hek dr dus vieve woaronder een hele grote Vlaamse Ram. Ik heb een hele grote ren van 16 keer 6 mtr dus disse Knien leaft op grote afstand van menare en dr zit ok nog 10 Kippn en een Hane int zelfde hok.

Twee daagn later met ut voern zit dr iene Vlaamse Reus in een huukie van t’hok op een nussie met eier. Weh een schattig gezicht umdet in een aandere hoek een Kippe zit te bruudn op 10 eier. Ik wolle de eier met noar huus nemmn dus drukke det Kniene van t’nust off. Zo snel det biest kon sprung uh weer op t’nust. Ik had warempel gin tied um de eier te pakkn. Dit herhaaln zich 3x en toen dachn ik , bekiek ut ok mar. Spul ie mar veur Paashaas, ik doede munn een neje poging.

Groetn Gruune Jopie