Vakansie kurt bie huus - Foto: Ingezonden foto
Foto: Ingezonden foto

Vakansie kurt bie huus

Deur det gedoe met corona kuj better oen vakansie nie int buutnland haoln. Ie kunt natuurluk gin zak op de regels uutdoen en heel stoerteegn iedereine loopn op te scheppen dej niet deur anderen laot bepaaln hoe ie oen vakansie gaot vieren. Ie bint dan wel een grote zakkewasser umdej dan gin goed veurbeeld bintveur anderen.

Mar assie daor int buutenland toch besmet wurd dan muj of doar bliem of as de sotermieter de boel inpakken en op huus an. Daor muj oe dan an de regels haoln en in quarantaine. Assie echter gin probleem hept met al det gedoe dan muj toch echt gaon want sie ziet oe graag komn.
Tis echter wel zo det wiele det virus saam deronder mut kriegn.
Wiele bint in juni al twee wekken in Drente wes met de vouwwaagn op een camping. De eerste wekke haan wie mooi weer , mar de tweede wekke kwaam de bakken water naor beneden. Dus wiele haan in de gauwigheig een privé zwembad bie de tente. Det was toch mooi mee enom ,zomar zonder det wiele der veur haan betaald. Ie krieg in oons eigen land van alles der zomar bie. Het was:die wekke ok een dag echt pokkeweer en toen bint wiele een daggie naor huus egaon bint.
Aj kurt bie woont kan det dan ok mooi. Umdet wiele der vrog bie waarn waarn de medecampeerders meestal van de wat oldere garde. Noe hek ut nog netties ezeg, want um noe metiene over olde zakken te hem det is weer niet zo netties. Wiele komt ok al aorig in de buurte van die leeftied. Der bint noe een bult mensen die int laand blieft dus de campings boert daor goed mee. Ok campers en ander gerei um vakansie mee te vieren bint noe erg in trek.

Ton

,

Artikel delen: