25 juli ist Sunt Joapik

Vuur de boern was dizn dag, den 25stn juli, hoast wa ’n belangriekstn dag van ‘t joar. Met Sunt Joapik begun ’t roggemeain. ‘t Was de drokste tied van t joar, woar at de kost verdeend mos wördn met ‘t binnhaaln van ‘n oogst. Dat kunnigen zich an met de boernsprekwieze: Met mei eurne, met Sunt Joapik keurne.

Wat in de tied van zommer- en heuimoand noar de oogstmoand van greun op gel an gung, doarvuur göal ‘t ripräpken: Veertn daag bleuin, veertn daag greuin. Veertn daag riepn, veertn daag striepn.

Hieroonder ’n mooi gedich van Graads.

“Graads” ist speudoniem vuer Lex Meuris,  Bron: Twentse Taalbank

 

Dat is Twèènte.

 

Zeet de zicht’n, blaank as zulver,

Soezend duur de rogge slaon.

Zeet de riepe goold’n gaarv’n

Rieg an rieg’ op d’essen staon.

Zeet de keerls röstloos mèèien,

Vrouleu beendt met rappe haand,

Oonder zun en weend en wolk’n;

Aarms en köppe rood verbraand.

Wiederop daor zwalmt de schosteens

Van ’n aander Twèèntelaand:

Van de leu in de fabrieken;

Zwoegers óók, met heufd en haand.

Twèènte lèèwt, gezoond en krachteg

In de stad en op het laand.

’t Braest van kracht, van dörf en will’n

In oons aole Twèèntelaand.

Ingezonden door een in Dalfsen gedoren Tukker: Aggie van de V

 

Artikel delen: