OOSTERDALFSEN – Wat hej noe dan weer, vrög mien buurman? Goaj wat aans kweekn? Nee heur, ik möss bej een klant disse Bananenboomn dr uut haaln en ik vunde ze zo mooi det ik dache, zet ze bej mejzelf in de tune . Ik hoppe det ze de winter hier kunt över leamn. Uut de Oostenwind en beschut teegn t’huus an.

Ik bunne ooit in Israel ewest en doar stundn dr hele vlakte’s vol van. Zo dichte daj dr nauwelijks tussen deur konn loopn. Det lukt bej disse nog weh. Mien buurvrouwe hef dr stiekum een Banane an ehangn. Sie mak dr weer een geintie van, ik bedoel ut serieus. Hoppe det ze dr över 10 joar nog stoat.

Groetn Gruune Jopie