LEMELERVELD – Aj zurgt dej de boel altied netties onderholt dan hej echt eer van oen werk. Ut kan ween det ut eerst der wel netties uutzut, mar eem later lek ut nens mee naor.  Met planten krieg ie det, eerst stiet de boel der mooi bloeiend bie ,mar in de loop van tiet is de bloei offeloopn en dan kiek ie der heel anders teegn an.

Bie begraafplaatsn kom ie af en toe en dan kump der van vaake watergeem niks trechte. Ie hebt van die planten die kunt veule hem. Begonia’s holt ut meestal lange vol ok met weinig water. Mar assie ze plant in een bloempot of schale waor as gin gaten onderin zit dan giet det nie goed. Bie un bulte reegn dan verzoept de planten. En dan krieg ie dode planten op het graf van iemand. Dan kuj zegn det op een kerkhof toch al veul dood is en dan is zo’n dooie plante mooi op zien plaaste. Mar ie zet planten op een graf uut respect veur oen dierbare.

Un andere soort plant die kunt nem is sedum. As die uuttebloeit is kuj die truggeknippen en dan kumpe vanzelf wel weer. Het blad blef wel mooi.

Det is mien ervaring want tuinluu die hebter veul meer verstand van. Ik knooie ok mar wat an.

Ton