LEMELERVELD – Die hage die verbrand werd. Zoas ut deruut zut is die hage niet helemaol verbrandt, mar un stukkie devan. Ik begriep dij der machtig van baalt mar ie kunt ut ok andes bekieken. Iederiene hef bienao zo’n zelfde hage en ie hebt noe een heel aparte hage en die valt noe ok op. Anders zult de mensen gewoon deurloopn, mar noe zult ze eem bliem staon en dan kant det ze det toch zunde vindt det gebeurt is.

Andern kiek met andere oogn en bekiejt het kunstzinnig. Kunst is heel breed en ie komt der van alles teegn. Soms wurd der zelfs bakken met geld teegn annegooit um iets unieks in mekare te knooien. Veur de experts wurd det dan een succes en krieg dan ok alle eer en lof um de oorn egooit. Aijt zo bekiekt dan hoeft ut dus niet zo’n ramp te ween alhoewel ie allicht niet de bedoeling haan um zo’n aparte hage te hem staon. Ie mut der noe maar mee doen, want tis noe gebeurt en aijt kunst wult nuum dan hebt ze det toch mar eem gratis veur oe done.
Ton