DALFSEN – Wat had ik toch een stel mooie Bananenbomen van een klant ekreegn. Op Dalfsennet ezet en vervolgens ware ik afgeloopn weekend in Valkenburg met de wielrenfietse. Kom ik thuus, iene, ok nog de grootste, Bananenboom vot. Krieg ik Dinsdagoamp een appje det de Boom gesignaleerd is in Oldluusn, bej de neje turbo Rotonde.

En ja heur, iemand hef mien Boom middenin de grote Rotonde eplant. Direkteur Oldluusn van de Hessenweg, Dinand, zeggn mej det dr nog verlichting in de grond moss en det de Boom nie kan bliem stoane. Mooi, dr uut en met noar Welsum toe. De Blaa bunt weh een bettie verwej’d maar ik zie ah weer neje dr an kommn. Boompie is verder nog goed gezond en krig een mooi plekkie bej mej thuus. Det Boompie mak weh wat met, in zien jonge leavn.

Groetn Gruune Jopie