Spring Balsemien - Foto: Gruune Jopie
Foto: Gruune Jopie

Spring Balsemien

HESSUM – Ondertussn stiet ut hele Hessum dr vol met. In de bermn, bossn en ok ah in völle tuun sie ze stoane. Grappig gezicht in de bos en aj in de buurte komt hoef ie mar een flinke scheet te loatn en de zoadies vliegt oe um de Oorn.

Disse zoadies plakt an oen kleeding vaste en komt zo ok op allerlei veugelties en aandere biesies terechte. Dat is de succesvolle vermeerderingstechniek die disse Springbalsemien eigen is.

 

Best leuk umme te ziene, leuke roze witte tinten in de bos. Dreugte hebt ze een hekel an en aj de jonge planties een tik geeft bunt ze ok weg. Dan mut ie weh de jonge planties herkenn en doar lig een probleem bej völle mensn.

 

Menig mense hef een hekel an disse snelle gruuier die met gemak 2 mtr hoge wurd. Sie bunt nog eetbaar ok en ik zage een keal die ze op de stoete dut. Van oorsprong komt ze uut de Himalaya. Goat ze iniens weh erg vremd in öns platte landie.

 

Groetn Gruune Jopie

 

Artikel delen: