Ut vrijgezellige leem - Foto: Ton S
Foto: Ton S

Ut vrijgezellige leem

LEMELERVELD – Ait nie neudig hebt dan kuit ok anders doen. Iederiene ist wel ewes. Vrijgezel is mangs wel makkeluk. Ie hoeft nie te overlegn waj noe weer gaot etten of wat veur kleern ie vandaage an de botten trekt. Spullen die gaot koopn bint veur oe mooi zat en ie kriegt ok gin gedonder det ut oe kats nie stiet.

 

En ast oe nie stiet dan mut ze oen kiek daorop mar weten te waarderen, want tis oen smaak. Anderen gaot eerst un tiet overlegn en kunt der ok trammelant umme kriegn. Soms weet die ander echter better welke kleuren bie menare past. Ie kunt zelf wel mooi vin, mar ie wult toch ok graag det anderen ut oe ok goed vind staon. Zo hek is eheurt  det un vrouwe nor de stad gin en nieuwe kleern kocht. Toen ze daormee thuus kwam bie haar man, hef die haar gewoon teruggestuurd umdet ut te duur was en hij ut nie mooi vund.  Weurumme hij dan nie mee egaone is, det week nie.Dej altied overal alleen nor toe mut is nie altied fijn. Ai um graag lust en ie gaot nor un feessie dan ist wel better ai deriene bie oe hebt die oe weer nor huus kan brengn. En ai met anderen bint hei ok ait praotvolk bie oe, anders muj weer andern

opzuukn die nor oen gezeur mun luustern. Hoe of ie oen huus ankleed dan ist ok better wat anderen dervan vindt. Ie kunt ut zelf wel prachtig vinden, mat oen visite mut ok prettig vin anders komt ze nie meer. Oen eigen wasse kuj ok goed doen en un dreugrekke hei helemaol nie neudig. De stoelen int huus hei toch a en daor kuj de wasse zo overhen hang um te dreugen. Aj dan volk krieht as die wasse der net hangt, muj ut spul weer bie menare pakken. Want anders hei kans dei ut spul weer opnieuw mun gaon wassen. Ie weet nie hoe schone of de kleern van de visite is as die der teegn an giet zitten. Tmaakt ok verschil of ut un vrouwe is of un kerl die daor alenig woont. Bie kerls zal opruim en schone maakn nie zo vake gebeurn as bie vrouwlui. Alhoewel det ok nie altied waor is. Mar bie kerls in de plee stiet de toiletbrille meestal rechtop en staot die meestal rechtop te pissen en dan spat de zooi weleens nat. As der dan regelmaotig schonemaakt wurd is det nie erg.

Aj ant werk bint dan maakt ut niks uut hoelange aj deurgaot, want ie hoeft toch nie op tiet thuus te ween. Mar ait mar deur te heistern is nie verstandig, ie hebt ok oen rust en ontspanning neudig. Ok a lekt nie zo.

Ton

 

 

Artikel delen: