Ait kunt meujt ok gebruukn

LEMELERVELD – De plump in. Der bint luu die hebt van allerlei rare ding. Noe hekt over iemand die noe kats allenig woont, mar jaoren elene had zie de kinder nog thuus. Zie zag un keer un anbieding veur un hot tub en bie heur in de tuun waster ruumte zat veur.  Die bak met water diej bie kunt verwarmen met un holtkachel kon ze mooi gebruuken um lekker te relaxen of hoeit ok wult nuumen.

 

Ut mense hefter zelf met heur kinder int verleden ok nog inne zeten. Naost her tuun lig un lappe weiland en ik zei a teegn die vrouwe det die boer dan ineens aandacht an de rikken wol besteden umdetter wat te bekieken was. De vrouwe zei daorop dei soms wat veur de buurn mut overhem. Die hot tub stiet noe a jaoren ongebruukt bie haar in de tuun. Der was van alles bie zoas un afdekzeil um de boel goed te haolen, mar det zeil hef der al die tied nie goed oppe zetten en deurum lagter un bulte blad in die tonne en vol met regenwater. De vrouwe wol noe graag det de tonne leeg ehaalt wurn en met zeepsop eem schonemaakt. Ut kon ween det ien van heur familieleden dan weer schik kreeg um derin te gaon plumpen. Toen de tonne leug was en schonemaakt heb ik die vrouwe wel anne raone um noe onder ut afdekzeil un hekwerk te legn zodet ut zeil niet weer in giet zakn, want dan konk weer opnieuw begin. De hot tub is noe klaor veur gebruuk mar in disse tiet vant jaor kroep ie buuten niet in un bak met water ok ast verwarmd is. Want ie mutter ok weer uut. Ik denke det de tonnen nog wel un tietie ongebruukt zal bliem.

 

Ton

Artikel delen: