Der kump un kleurtie bie - Foto: Ton S
Foto: Ton S

Der kump un kleurtie bie

LEMELERVELD – Trouwn kump noe nie zovake meer veur. Hokn, latrelaties of saamwoon gebeurt noe meer. Der komt noe ok meer andere relaties veur. Eerder was iemand van de verkeerde kante, mar wat is dan de goeie kante? Ik hebbe is eheurt over un koppel det hun trouwdag wol vieren  en zie haan un wit holten zomerhuussie huurt.

 

Ze haan noe a twee dochters en met genog an etten, drank en muziek derbie haan ze ut gezellug saam. Umdet de beide meiden ok hun bijdrage ant feessie woln geem, haan ze van crepepapier slingers emaakt.

Die haan ze ant huussie oppehang. Ut stond wel feesteluk. Toen  ze met zien allen muu waarn ewun vant feesten gin ze slaopn. De volgende murgen kwaam ze weer nor buuten en schrukken un bettie. Ut had ’s nachts ereegent en dus waarn de papieren slingers nat ewun. Ut huussie was niet meer helemaol wit mar hatter un ander kleurtie  bie ekreegn. Tja wat mossen ze daor met an? Zie hebt nog probeert umzo veul mogeluk weg te haaln met nagellakremover.

Die haan ze bie zich, want ai met drie vrouwluu bint ister ait wel iene diet bie zich hef.  Zie hebt ut met de verhuurder kun overlegn watter regelt kon wun,. As ut huussie over everfd mos wun kont un duur uitje wun.

 

Ton

 

Artikel delen: