Pleebrille - Foto: Ton S
Foto: Ton S

Pleebrille

LEMELERVELD – Um oen plee netties te haoln, muj mangs wat verbettern. De boel un keer bieverven of nieuwe tegels kan de heleboel a aorig opknappn. Misschien is de pleepot ok an vernieuwing toe of de pleebrille is kats kaal. Die kuj dan zelf bieverven, mar ie kunt ok un nieuwe koopn. Ai die pleebrille gaot vervangen, muj die wel goed vastedreien aans zotemieter ie naost de pot en det wuj ok nie.

Ie kunt ok alles zo laoten zoas tis, mar ie komter nog al is en dan goi der ok wellus bie zitn. Ie bint toch u  tietie bezig of ie maakt dej dur rap weer weg bint, umdej ut der nie meer kunt uuthaoln.  Daor bint dan van die spuitbussn veur. Mangs hangt der ok wat um te leesn en ai toch eem tiet veur oe zelf hebt kuj det mooi doen. Noe binter telefoons waor ie zelfs films op kunt bekieken en op de plee ister niemand die oe af kan leiden, ai tenminste allenig bint. Kleine wichter mut vake nog ehulpen wun um de bosschop goed over te brengn. As de boel goed schone hooln wurd, is det wel prettiger dan wanneer alles is onder ezeken. Ie ziet ok vake teksten staon um de heren an te spaorn um te gon zitten, zodet de dames ok dreuge kunt zitten.

Behalve de brille ist ok better as de   vloere schone blef. Ie mun ait bedenken det un ander ok graag netties nor de plee wul bie oe.

Ton

Artikel delen: